Fasteignasalan Grafarvogi kynnir: Höfða við Skutulsfjörð.

Höfði er einstök eign í Skutulsfirði (Ísafjarðarkaupstaður). Fallegt og vel skipulagt einbýlishús á rúmgóðri eignarlóð á skemmtilegum útivistarstað innarlega í Skutulsfirði. Íbúðarhúsið er skráð alls 158 m² og við það stendur bílskúr sem er skráður 49,6 m². Á lóðinni er einnig óskráð hús sem stendur við fjöruna. Lóðin er eignarlóð og er rúmlega einn hektari að stærð. Einbýlishúsið er múrsteinsklætt timburhús, bílskúrinn er steinsteyptur og óskráða húsið er timburhús. Lóðin stendur við fjöruna í Skutulsfirði og er mikið náttúrulíf þar í kring.
 
Einbýlishúsið:
Einbýlishúsið er á einni hæð og samanstendur af þrem stofum, þrem svefnherbergjum, tveim baðherbergjum, eldhúsi og þvottahúsi. Yfir öllu húsinu er geymsluloft í risi og undir því öllu er kjallari sem er með eðlilegri lofthæð í innri hluta hússins en skriðkjallari undir öllu húsinu.
Komið er inn í litla flísalagða forstofu með fatahengi. Þaðan er gengið inn í parketlagt hol sem tengist eldhúsborðkrók og flísalögðu eldhúsi með upprunalegri innréttingu. Stofurnar eru þrjár, allar parketlagðar. Sjónvarpsstofa, stofa og borðstofa. Úr sjónvarpsstofu og stofu er útgengt á sólpall sem snýr í suður. Við hlið forstofunnar er flísalagt baðherbergi með upphengdu salerni og sturtu. Annað stærra baðherbergi er á svefnherbergisgangi og er það flísalagt, með upphengdu salerni og baðkari. Þrjú parketlögð herbergi. Í hjónaherbergi og öðru minna herberginu eru skápar. Úr eldhúsinu er gengið í rúmgott flísalagt þvottahús með ágætri innréttingu með vaski. Í þvottahúsinu er stigi upp á geymsluloftið og einnig hleri í gólfi til að komast niður í kjallarann. Einnig er í þvottahúsinu útihurð. Úr þvottahúsinu er gengið inn í lítið rými þar sem er rafmagnstafla, kynding hússins og loftræstikerfi.
 
Bílskúrinn:
Bílskúrinn stendur norðan megin við húsið sjálft og er mjög rúmgóður. Í honum er stór fjarstýrð iðnaðarhurð og sér gönguhurð. Við gafl bílskúrsins er búið að innrétta herbergi sem nýtt er sem verkfærageymsla og verkstæði. Hluti efri hæðar bílskúrs er með góðri manngengri lofthæð og þar er gott rými með glugga. Hinn hluti efri hæðarinnar er geymsluloft. Bílskúrinn stendur sér. Hann var byggður árið 1990. Hann er steynsteyptur með bárujárnsklæddu þaki. Bílskúrinn var byggður með það í huga að múrsteinsklæða hann að utan, eins og einbýlishúsið, og fylgja eigninni múrsteinar til þess. 

Eignarlóð:
Lóðin er rúmlega einn hektari og er eignarlóð skráð í þjóðskrá. Stærsti hluti lóðarinnar er gróið tún, en þar eru ýmsir möguleikar, t.d. fleiri byggingar, útivistarparadís og/eða æðarrækt, svo eitthvað sé nefnt. Lóðin stendur við fjöruborðið innarlega í Skutulsfirðinum og eignin tilheyrir skipulagi Ísafjarðarbæjar. Lóðin stendur við veg með bundnu slitlagi sem vinsæll er til útivistar og gönguferða í þessari náttúruparadís.

Nánar:
Einbýlishúsið er byggt árið 1982 og er danskt Hosby einingarhús. Einingarnar eru úr timbri en reistar á steyptum grunni. Húsið er sérlega vel einangrað og með þreföldu gleri í öllum gluggum, timbrið í gluggunum er úr maghoni. Útihurðir eru klæddar með maghoni í ysta byrði og þar fyrir innan er stálplata sem gefur aukinn styrk. Innréttingar í húsinu eru upprunalegar. Undir öllu húsinu er kjallari, að hluta til skriðkjallari og þar eru allar lagnir hússins, þannig að mjög auðvelt er að umgangast lagnir til viðhalds. Húsið er byggt í brekku og er kjallarinn 80 cm hár efst í brekkunni en í fullri gönguhæð neðst, og það rými getur því nýst á marga vegu. Gönguhurð er í kjallarann. Húsið er múrsteinsklætt með timburgluggum. Opnanleg fög í herbergjum eru tvöföld, með innra og ytra byrði. Yfir öllu húsinu er geymsluloft. Þak hússins er timburgrind sem klædd er með steinflísum. Neysluvatn er tekið úr vatnskerfi Ísafjarðarbæjar og er það bergvatn úr Vestfjarðagöngum. Ljósleiðari frá Snerpu hefur verið lagður í húsið. Á jaðri lóðarinnar við fjöruna er óskráð timburhús með bárujárnsþaki. Húsið er óeinangrað og er nú notað sem geymsla.
 
Hér er um að ræða eign sem stendur ein og sér á stórri eignarlóð á frábærum stað í Skutulsfirðinum. Eignin býður upp á mikla möguleika, t.d. í ferðaþjónustu, vegna einstakrar staðsetningar, náttúrufegurðar og nálægðar við sjóinn og fjöskrúðugt fugla og dýralíf. Eign sem býður upp á náttúrufegurð og friðsæld en er samt örstutt frá þéttbýlinu í Ísafjarðarbæ (5 mínútna akstur). Eignin stendur innan við Ísafjarðarflugvöll.

 
Nánari upplýsingar um eignina veitir:
Rúnar Örn Rafnsson, löggiltur fasteignasali
Fasteignasalan Grafarvogi
S: 771-5600
[email protected]

Jósep Grímsson, löggiltur fasteignasali
Fasteignasalan Grafarvogi